Vladimir Putin və Donald Trampın 15 avqustda Alyaskadakı görüşü üç mümkün nəticəyə gətirib çıxara bilər.

Axar.az xəbər verir ki, bu barədə “Axios” nəşri yazıb.

Nəşr hesab edir ki, ilk mümkün variant Tramp və Putinin görüşdən sonra şərtsiz atəşkəs əldə etməsidir. Bu, Rusiya və Ukraynanın barışmaz mövqelərinə baxmayaraq, sülh danışıqlarına yol aça bilər.

“İkinci variant isə odur ki, Putin yerindən tərpənməyəcək və belə olan halda Tramp Rusiyanın neft ixracını məhdudlaşdırmaq üçün əlavə tədbirlərə əl ata bilər.

Üçüncü varianta görə isə Putin Trampın atəşkəslə bağlı əvvəlki tələbləri ilə prinsipcə razılaşacaq, lakin aydınlaşdırmalar və ilkin şərtlərdə israr edəcək”, - nəşr qeyd edib.