Çin dolayı yolla da olsa, Rusiya Federasiyası ilə daha da yaxınlaşma əlamətlərini göstərməyə başlayıb.

Axar.az xəbər verir ki, bu sözləri Ukraynanın 2015-2019-cu illərdə ABŞ-dakı səfiri olmuş Valeri Çalıy deyib.

"Çin ikili oyun oynayır. Aydındır ki, onların bu gün atdıqları bir çox addımlar Rusiyaya daha yaxındır. Ancaq onlar Şimali Koreya kimi tam dəstəkdən çəkinirlər.

Pekində keçirilən genişmiqyaslı tədbirə gəldikdə isə bu görüntülər ABŞ-a, o cümlədən Prezident Donald Trampa yönəlib. Tramp da həmin tədbirə qatılmağa dəvət olunmuşdu. Çin ikiqütblü dünya strategiyasına iddiasını bir daha təsdiqlədi. Yenidən qlobal cənub və şimala bölünmə müşahidə edirik, baxmayaraq ki, bu, olduqca süni bir konsepsiyadır. Əslində bu, yeni Soyuq müharibənin başlanğıcıdır. Çin açıq şəkildə göstərdi ki, ikiqütblü dünyanı dəstəkləyir", – deyə Çalıy bildirib.

O əlavə edib ki, Rusiya və Şimali Koreya liderlərinin paradda iştirakı Çin ətrafında formalaşmaqda olan ölkələr qrupunun artmaqda olduğunu göstərir.

Çalıyın sözlərinə görə, Yaponiya, Yeni Zelandiya, Avstraliya və Cənubi Koreya kimi ölkələr coğrafi baxımdan Çinə yaxın olsalar da, digər tərəfdə yer alırlar.