Qətər HƏMAS-ın Siyasi Bürosunun bir neçə üzvünün yerləşdiyi yaşayış binalarını hədəfə aldığını söylədiyi hücumu ən güclü şəkildə qınayır.

Axar.az xəbər verir ki, bu barədə Qətər Xarici İşlər Nazirliyinin sözçüsü Məcid Ənsari İsrailin HƏMAS-ın Dohadakı rəhbərlərinə qarşı hücumu haqda qeyd edib.

“Bu cinayətkar hücum bütün beynəlxalq qanunların və normaların kobud şəkildə pozulmasıdır və Qətər vətəndaşlarının və sakinlərinin təhlükəsizliyinə ciddi təhdid təşkil edir. Bu hücumu qəti şəkildə pisləyən Qətər Dövləti İsrailin bu təhlükəli davranışına və onun regional təhlükəsizliyə davamlı müdaxiləsinə və ya təhlükəsizliyə və suverenliyə qarşı hər hansı hərəkətə dözməyəcəyini bir daha təsdiqləyir.

İstintaq ən yüksək səviyyədə davam edir və əlavə təfərrüat əldə edilən kimi açıqlanacaq”, - Qətər Xarici İşlər Nazirliyinin sözçüsü bildirib.

Qeyd edək ki, İsrail Dohada HƏMAS rəhbərliyinə qarşı sui-qəsd cəhdi edib. Qətər bu hücumdan sonra Qəzza ilə bağlı vasitəçilikdən geri çəkilib.