Avropa Komissiyası Ukraynaya Rusiyanın davam edən təcavüzü qarşısında qış dövründən çıxmağa kömək etmək üçün əlavə olaraq 40 milyon avro yardım edəcəyini açıqlayıb.

Axar.az xəbər verir ki, bu barədə AB-nin rəsmi X sosial şəbəkə səhifəsində paylaşım edilib.

"Biz artıq dördüncü qışını müharibə şəraitində keçirən ukraynalılara dəstək üçün əlavə 40 milyon avro ayırdıq. Yardım qışa hazırlığı yaxşılaşdırmaq və mülki əhalinin müdafiəsinə yönəlib", - nəşr qeyd edir.

Bildirilib ki, vəsait mənzillərin təmin edilməsinə, su, kanalizasiya və istilik təchizatının yaxşılaşdırılmasına yönəldiləcək ki, bu da dağılmış infrastruktur və qeyri-sabit enerji təchizatı kontekstində xüsusilə vacibdir.