İsrail Baş naziri Benyamin Netanyahu İsrailin Qətərin paytaxtı Dohaya olan hücumundan təxminən bir saat əvvəl ABŞ Prezidenti Donald Trampla telefonla danışıb.

Axar.az xəbər verir ki, bu barədə “Axios”a adı gizli saxlanılan israilli rəsmilər məlumat verib.

İsrail rəsmiləri Netanyahunun ABŞ-da yerli vaxtla səhər saat 8:00-da Trampa zəng etdiyini və Qətərə hücumun isə səhər saat 8:51-də baş verdiyini bildirib.

Mənbələr Trampın etiraz edəcəyi təqdirdə İsrailin geri çəkilə biləcəyini iddia edib.

“Tramp raketlər atılmadan əvvəl hücumdan xəbərdar idi. Trampla Netanyahu arasında əvvəlcə siyasi səviyyədə, sonra isə hərbi kanallarla danışıqlar oldu. Tramp yox demədi”, - deyə adı açıqlanmayan şəxslərdən biri deyib.

Digər rəsmi şəxslər də Trampa kifayət qədər xəbərdarlıq edildiyini vurğulayaraq qeyd edib ki, Ağ Ev rəhbəri hücumu dayandıra bilərdi, amma etməyib.