Dələduzluqda ittiham olunan Gevork Sərkisyan müğənni Oleq Qazmanovun bütün pensiya əmanətlərini ələ keçirib.

Axar.az Globalinfo.az-a istinadən xəbər verir ki, Qazmanovlar ailəsinin vəkilinin sözlərinə görə, müğənninin həyat yoldaşı Marina Qazmanova vəsaiti Sərkisyana borc verib. Təqsirləndirilən şəxs borc götürdüyü vəsaitləri “investisiyaya” yatırdığını iddia etsə də, onların necə istifadə olunması barədə ətraflı məlumat verməyib.

Xüsusi cəhət ondan ibarətdir ki, bu, Oleq Mixayloviçin bütün həyatı boyu pensiyasından yığdığı məbləğdir.

Vəkil bildirib ki, Sərkisyan ABŞ, Fransa, Böyük Britaniya və Meksikadakı investor tanışlarından danışıb.

“Yəqin ki, bir az da danışsaydı, o, İlon Maskla da dost olduğunu deyərdi”.

Bir il sonra Sərkisyana borcu qaytarmaq tapşırılıb, lakin o, ABŞ-dan pul köçürə bilməməsinin səbəbi kimi COVID-19 pandemiyası və Rusiya-Ukrayna müharibəsini əsas gətirərək bundan imtina edib.

Dələduzluğun qurbanı olduqlarını anlayan Qazmanovlar Rusiya İstintaq Komitəsi ilə əlaqə saxlayıblar.