Şimali Koreya Ukraynaya qarşı müharibəyə dəstək razılaşmaları çərçivəsində Rusiyaya təxminən 9,8 milyard dollar dəyərində silah, sursat və hətta hərbi kontingent verib.

Axar.az xəbər verir ki, bu barədə Cənubi Koreyanın “Yonhap” agentliyi analitik hesabatlara istinadla məlumat yayıb.

“Moskvadan verilən təzminat isə cəmi 1,2 milyard dollar təşkil edib. Daha sıx təmaslara baxmayaraq, Kremlin Şimali Koreyaya hərbi texnologiyasını modernləşdirməyə kömək etdiyinə dair heç bir sübut yoxdur. Ölkə iqtisadiyyatı kritik vəziyyətdə qalır ki, bu da yalnız əməkdaşlıqdakı balanssızlığı göstərir”, - hesabatda qeyd olunub.