Danimarkanın şimalındakı Aalborq hava limanı hava məkanında icazəsiz dronların müşahidə olunmasından sonra bağlanıb.

Axar.az xəbər verir ki, bu barədə Danimarka hökuməti məlumat yayıb.

Esbjerg, Sönderborg və Skridstrup kimi cənub bölgələrində yerləşən daha kiçik hava limanlarında da oxşar hallar baş verib, lakin həmin hava limanları fəaliyyətini davam etdirir.

Aalborq hava limanından ən azı üç reys başqa şəhərlərə yönləndirilib. Bu hava limanı eyni zamanda hərbi baza kimi istifadə olunduğu üçün Danimarka Silahlı Qüvvələri də insidentdən təsirlənib.

“Hazırda dronların bölgədə niyə uçduğunu və kimin buna cavabdeh olduğunu deyə bilmərik. Əgər imkan yaranarsa, biz bu dronları vuracağıq”, - polis rəisi Cesper Böjqard Madsen deyib.