Rusiya və Ukrayna bir-birinə təzyiq göstərib, hətta müharibəni davam etdirə biləcəklərini göstərirlər.

Axar.az xəbər verir ki, bu barədə Türkiyənin xarici işlər naziri Hakan Fidan "TRT Haber"ə müsahibəsində danışıb.

“İki ölkə arasında döyüşlər şiddətlənib. Bu da öz növbəsində daha çox ölüm və dağıntı gətirir. Rusiya və Ukraynanı ortaq məxrəcə gətirmək lazımdır. Əsas problem Donetskin Rusiyanın işğal etdiyi əraziləri ilə bağlıdır. Çünki Rusiya daha da irəli getmək istəyir. Ukrayna isə mövcud durumla barışmır. Həmçinin dondurulmuş aktivlərin Ukrayna üçün xərclənməsi ilə bağlı müzakirələr aparılır ki, bu da ölkələr arasında fikir ayrılığına səbəb olub.

Prezidentimizin əvvəldən dediyi kimi, bu müharibə dərhal başa çatmalıdır. Bu absurd müharibənin hər iki tərəf üçün qəbuledilməz şərtləri var. Amma bunu bir formula ilə bitirmək lazımdır. Bu düstur artıq işlənib hazırlanıb. Biz çox yaxınıq və ümid edirəm, bitər”, - deyə nazir bildirib.