Donald Trampa Ukrayna və Rusiya arasında sülhə nail olmaq 80 ilə yaxındır fasilələrlə müharibə edən İsrail və Fələstin arasında sülhə nail olmaqdan daha asan olacaq.

Axar.az xəbər verir ki, bunu beynəlxalq müşahidəçi və Yaxın Şərq üzrə ekspert Kon Koflin “Telegraf” nəşrində yazıb.

O qeyd edir ki, həqiqət ondan ibarətdir ki, ukraynalılarla ruslar arasında davamlı sülhə nail olmaq yəhudilər və fələstinlilər arasında olduğundan daha asan olacaq. Ukraynanın isə Trampın indiki özünəinamından istifadə edərək Rusiyaya təzyiq etmək və onu danışıqlar masası arxasına keçirmək imkanı var.

“Əgər ABŞ və müttəfiqləri Putinə kifayət qədər təzyiq göstərsələr, düzgün, davamlı atəşkəsə nail olunacağına dair real ehtimal var”, - o bildirib.