Volqoqrad vilayətində elektrik yarımstansiyasında yanğın olub.

Axar.az xəbər verir ki, bu barədə Volqoqrad vilayətinin qubernatoru Andrey Boçarov məlumat yayıb.

Məlumata görə, bir neçə bölgədə yaşayış məntəqələri işıqsız qalıb.

“Hava hücumundan müdafiə qüvvələri Volqoqrad vilayətində enerji infrastrukturu obyektlərinə yönəlmiş genişmiqyaslı dron hücumunu dəf edib. Novonikolayevski rayonunda yerləşən Balaşovskaya yarımstansiyasının ərazisində dron qalıqlarının düşməsi nəticəsində yanğın qeydə alınıb”, - Boçarov bildirib.

Rusiya mediası Volqoqrad, Samara, Saratov və Tambov şəhərlərindəki hava limanlarında uçuşlara məhdudiyyətlərin tətbiq olunduğunu bildirib.