ABŞ Prezidenti Donald Trampın Rusiya Prezidenti Vladimir Putinlə görüşü təxirə salına bilər.

Axar.az xəbər verir ki, bu barədə CNN mənbəyə istinadla məlumat yayıb.

“Rubio-Lavrov danışığından sonra amerikalı rəsmilər hesab ediblər ki, Rusiya tərəfinin mövqeyi hələ də maksimalist yanaşmadan uzaqlaşmayıb. Bu mərhələdə Rubio gələn həftə Tramp-Putin görüşünün keçirilməsini tövsiyə etməyəcək. Amma Rubio və Lavrovun bu həftə yenidən danışması mümkündür”, - məlumatda bildirilib.

Qeyd edək ki, ABŞ Prezidenti Donald Tramp Rusiya Prezidenti Vladimir Putinlə tezliklə Budapeştdə görüş keçirəcəyini açıqlamışdı.