Qlobal bazarda Rusiya neftinin və neft məhsullarının tədarükünün sürətlə azalması qiymətlərin bahalaşmasına səbəb olacaq.

Axar.az xəbər verir ki, bu barədə Rusiya Prezidenti Vladimir Putin jurnalistlərin suallarını cavablandırarkən bildirib.

“Bazarda neft və neft məhsullarımızın tədarükü kəskin azalarsa, qiymətlər qalxacaq”, - dövlət başçısı qeyd edib.

O əlavə edib ki, yanacaqdoldurma məntəqələrində də qiymətlər artacaq və ABŞ da burada istisna deyil.

Qeyd edək ki, oktyabrın 22-dən 23-nə keçən gecə ABŞ Maliyyə Nazirliyi Rusiyanın Ukrayna münaqişəsinin sülh yolu ilə həllində kifayət qədər marağı olmadığına görə iki aparıcı neft şirkəti olan “Rosneft” və “Lukoyl”a yeni sanksiyalar tətbiq edib.