ABŞ Prezidenti Donald Tramp Ukrayna üçün məqbul olan yeganə kompromisin hazırkı cəbhə xətti boyunca hərbi əməliyyatların dayandırılması fikri ilə razılaşıb.

Axar.az xəbər verir ki, bu barədə Ukrayna Prezidenti Vladimir Zelenski deyib.

Trampın mövqeyinin həqiqətən dəyişib-dəyişmədiyi, onun Ukraynanın öz ərazisini təslim etməsinin qəbuledilməzliyini anlayıb-anlamaması ilə bağlı jurnalistin sualına cavab olaraq Zelenski bildirib ki, Tramp indiyə qədər Ukraynanın kompromis vizyonunu qəbul edib:

"Tramp həqiqətən də Ukrayna kompromisinin cəbhə xətti boyunca hərbi əməliyyatların dayandırılması məsələsi ilə razılaşıb".