"Thodex"in qurucusu Fərrux Fateh Özərin həbsxanada meyiti tapılıb.

Axar.az APA-ya istinadla xəbər verir ki, Fərrux Fateh Özərin meyiti həbsxananın biradamlıq kamerasının hamam otağında asılmış vəziyyətdə aşkarlanıb.

Qeyd edək ki, "Thodex" adlı kriptovalyuta birjası vasitəsilə çox sayda insanı dələduzluq yolu ilə aldatmaqda ittiham olunan Fərrux Fateh Özər Albaniyada 2022-ci il avqustun 30-da saxlanılaraq Türkiyəyə gətirilib. Onun barəsində cinayətkar təşkilat qurmaq, idarə etmək və təşkilata üzv olmaq, dələduzluq və əmlak dəyərlərini leqallaşdırmaq kimi ittihamlarla 11 min 190 il 6 ay həbs cəzası tələb olunurdu.