10 il ərzində Gürcüstandan Azərbaycana yük dövriyyəsi 40%, Azərbaycandan Gürcüstana isə 15% azalıb.

Axar.az xəbər verir ki, bunu İrəvanda keçirilən “Orbeli: Sülhün və çoxtərəfli əməkdaşlığın qurulması” illik beynəlxalq forumunda Gürcüstan Nəqliyyat Dəhlizi Tədqiqat Mərkəzinin direktoru Paata Tsaqareişvili deyib.

“Bu, Avropadan Orta Asiyaya mal axınının əhəmiyyətli dərəcədə azaldığını göstərir. Bakı-Tiflis-Qars dəmir yolunun illik ötürmə gücü 5 milyon tondur. Lakin 2023-cü ildə bu potensialın yalnız 11%-i istifadə olunub. Rusiyadan Azərbaycana dəmir yolu ilə yük daşınmasının həcmi əks istiqamətdəki yük daşınmasından 9 dəfə çoxdur”.