Avropaya inteqrasiya prosesini sürətləndirmək üçün Rusiyaya qarşı sanksiyalar tətbiq etmək niyyətində deyiləm.

Axar.az xəbər verir ki, bu sözləri Serbiya Prezidenti Aleksandr Vuçiç deyib.

“Bizim seçimimiz var. İstəsəniz, sabah Rusiyaya qarşı sanksiya tətbiq edərik; istəsəniz, sabah Kosovanın müstəqilliyini tanıyırıq və Avropa Birliyində oluruq, nə vaxt istəsəniz... Belə addımlar Belqrad üçün qəbuledilməzdir.

Sadəcə deyin - istəyirsiniz ki, bu, bizim siyasətimiz olsun? Mən düşünmürəm ki, biz müstəqil Kosovanı tanımalıyıq. Mən düşünmürəm ki, biz sanksiyalar tətbiq etməliyik”, - Vuçiç əlavə edib.