13:55

Türkiyənin "BeIN Sports" televiziya kanalının Ayazaağadakı ofisinin binasına silahlı hücum olub.

Axar.az xəbər verir ki, bu barədə Türkiyə mediası məlumat yayıb.

Əraziyə polis əməkdaşlarının cəlb olunduğu bildirilir.

***

“BeIN Sports” kanalına silahla basqın edən şəxs polislər tərəfindən binadan çıxarılıb.

Bu barədə Türkiyə mediası məlumat yayıb.

Telekanalın binasına hücum edən Kamal S. tanınmış futbol şərhçisi Güntəkin Onayın mühafizəçi həyat yoldaşını təhqir etdiyini iddia edib. Kamal S. Onaydan xanımından üzr istəməsini tələb edib.

Hadisə yerinə gələn polislər Kamal S. ilə danışıb və onu təslim olmağa razı salıb. Təxminən yarım saat sonra Kamal S. binadan çıxarılaraq polis bölməsinə aparılıb.

Daha sonra Kamal S-in özü ilə gətirdiyi silahın oyuncaq olduğu bəlli olub.