Suriya Xarici İşlər Nazirliyi İsrail Baş naziri Benyamin Netanyahu və müdafiə naziri İsrail Katzın Suriyanın cənubuna səfərini qınayan bəyanat yayıb.

Axar.az xəbər verir ki, Suriya Xarici İşlər Nazirliyi bu addımı ölkənin suverenliyinin ciddi şəkildə pozulması kimi qiymətləndirib.

Nazirlik bildirib ki, səfər BMT Təhlükəsizlik Şurasının qətnamələrinə zidd olan bir faktın qəbul edilməsi üçün yeni bir cəhddir və İsrailin işğal olunmuş ərazilərdə təcavüzkar siyasətini davam etdirmək səylərinin bir hissəsidir.

Bəyanatda həmçinin İsrail qüvvələrinin işğal olunmuş Suriya ərazilərindən dərhal çıxarılması çağırışı yenidən təkrarlanıb.