Rusiya Avropaya hərbi əməliyyatları çoxdan planlaşdırıb, lakin bu, yalnız Ukraynaya qarşı müharibədən sonra mümkün olacaq.

Axar.az xəbər verir ki, bunu Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov bildirib.

Onun sözlərinə görə, Rusiya yaxın dövr üçün məqsəd kimi Qərb ölkələrinin Ukraynaya göstərdiyi dəstəyi azaltmağı hədəfləyir. Söhbət Avropa ölkələrində hücumlardan, dronların göndərilməsindən gedir:

“Əsas vəzifə bu ölkələrin cəmiyyətini qorxutmaqdır: biz istədiyimiz nəticəni siyasətçilər vasitəsilə əldə edə bilmirik, bir sıra səbəblərə görə. O zaman indi cəmiyyət vasitəsilə işləyəcəyik ki, onlar qorxsunlar və özləri müharibə əleyhinə nümayişlərlə çıxış etsinlər, müharibə əleyhinə mövqelər bildirsinlər. Onlar avtomatik olaraq Rusiya ilə eskalasiyanın azaldılmasına təkan verəcəklər. Bunun yolu isə Ukraynaya köməyin azaldılması və özlərini silahlandırmaqdır. Qoy, özlərini özləri müdafiə etsinlər”.

Onun fikrincə, əgər Rusiya təzyiqi səbəbindən Avropada mövqelər zəifləsə, bu təzyiq artacaq:

“Avropa ərazisində müharibəyə ciddi şəkildə hazırlaşmayıb. Rusiya hazırlaşmışdı, Avropa isə yox. Hamı indi sadəcə reallıqla üzləşib — bu reallıq indi yaranmayıb, sadəcə olaraq hamı üçün üzə çıxıb”.