Ukrayna bu müharibədə döyüş meydanında qalib gələ bilməz. Ukraynanın iztirabları ancaq sürətli atəşkəs və yaxud sülh sazişi ilə məhdudlaşdırıla bilər.

Axar.az xəbər verir ki, bunu Macarıstanın Baş naziri Viktor Orban Avropa Komissiyasının sədri Ursula fon der Leyenə yazdığı məktubda bildirib.

“Avropa Birliyi dərhal müharibədən sonrakı nizamlanma ilə bağlı danışıqlara başlamalıdır. Macarıstan AB tərəfindən Ukraynaya əlavə maliyyə yardımının göstərilməsini dəstəkləmir. İndi səhvi etiraf etmək və AB siyasətinin düşdüyü çıxılmaz vəziyyətdən geri dönmək daha yaxşıdır”, - deyə Orban qeyd edib.

Bundan əlavə, Orban Ukraynanın maliyyələşdirilməsinə dair təkliflərə cavab olaraq deyib ki, nə artıq xərclənmiş vəsaitlərə nəzarət, nə də gələcək ödənişlər üçün daha sərt şərtlər var.