Ukrayna Prezidenti Vladimir Zelenski Prezident Ofisinin keçmiş rəhbəri Andrey Yermakdan istefa ərizəsi yazmasını istədikdən sonra o, təhqir, məzəmmət və ittihamlarla dolu yarım saatlıq isterikaya qapılıb.

Axar.az xəbər verir ki, bu barədə “Ukraynskaya Pravda” mənbələrə istinadən məlumat yayıb.

“Yermak sona qədər birincinin (Zelenski - red.) onu vəzifədən uzaqlaşdıracağına inanmırdı. Həm də bu şəkildə, yəni fakt qarşısında qoyaraq. Onu ən çox qıcıqlandıran amil prezidentin onu tək qoyması olub”, - mənbə bildirib.

Qeyd edək ki, 28 noyabrda antikorrupsiya qurumlarının evində və ofisində axtarış aparması fonunda Andrey Yermak istefaya gedib.