Ukrayna müdafiəçiləri Kupyanskdakı Yubileynı yaşayış məntəqəsini rus əsgərlərindən təmizləməyə nail olublar. Bu, şəhərin müdafiəsi üçün strateji əhəmiyyət kəsb edir.

Axar.az xəbər verir ki, bu barədə Ukrayna ordusunun 425-ci Əlahiddə "Skelya” Hücum Alayının məlumatında deyilir.

"Kupyansk, Yubileyni yaşayış məntəqəsi. Bu məhəllə bütün şəhərin müdafiəsi üçün strateji əhəmiyyət kəsb edir. Bu yerə nəzarət Kupyanskın nəzarəti deməkdir", - məlumatda vurğulanıb.

Qeyd edək ki, bundan öncə Ukrayna ordusunun Radkovka və Kondraşovkanı azad etdiyi, həmçinin Qolubovkanı atəş nəzarəti altında saxladığı və Kupyanskın şimal-qərb ətrafını rus hərbçilərindən təmizlədiyi bildirilmişdi.