Serbiya qlobal gərginliyin artması və milli təhlükəsizliyi gücləndirmək məqsədilə gələn ilin yazında böyük bir dron istehsalı müəssisəsini istifadəyə verəcək.

Axar.az xəbər verir ki, bu barədə Serbiya Prezidenti Aleksandr Vuçiç deyib.

"Mart ayının sonuna və ya ən geci aprelin əvvəlinə qədər ölkəmizdə ilk böyük dron istehsalı zavodunun açılışını gözləyirəm və qürurla deyə bilərəm ki, bunlar yüksək texnologiyalı dronlar olacaq. İstehsal burada, Serbiyada təşkil olunacaq", - o qeyd edib.

Prezident bildirib ki, Serbiya çox sayda PUA və kamikaze dronları alır:

"Biz PUA alırıq və almağa davam edəcəyik. Serbiya qlobal vəziyyətdən son dərəcə narahatdır. Sülhün qorunması Serbiyanın əsas prioriteti olaraq qalsa da, ölkə istənilən çətinliklərə hazır olmalıdır”.