Ukrayna Prezidenti Vladimir Zelenski Avropanın çiçəklənən bir hissəsini məhv edib və gec olmadan sülh danışıqlarına getməlidir.

Axar.az xəbər verir ki, bunu Belarus Prezidenti Aleksandr Lukaşenko deyib.

O bildirib ki, Zelenski Rusiya dövlət başçısı Vladimir Putinin iqamətgahına hücumlar kimi addımlardan çəkinməlidir:

“Onsuz da Avropanın çiçəklənən bir hissəsini məhv edib, indi isə bunu tamamilə bitirə bilər. Bu yolla getməməlidir. Hələ gec deyilkən, razılaşmaq lazımdır”.

Lukaşenko həmçinin belə hücumların təsadüfi olmadığını vurğulayıb:

“Prezidentə qarşı terror hücumu çox nadir hallarda baş verir və bu, böyük qüvvələrin razılığı olmadan mümkün deyil. Bu, təcrübədən məlumdur”.