21:54

Gürcüstanın paytaxtı Tiflis şəhərində yerləşən "Qızıl Ark" (Kidobani) ticarət mərkəzində yanğın qeydə alınıb.

Axar.az xəbər verir ki, yanğın ticarət mərkəzindəki mağazalardan birində başlayıb.

Gürcüstan Daxili İşlər Nazirliyinin Fövqəladə Halların İdarə Edilməsi Xidmətindən verilən məlumata görə, hadisə yerinə operativ şəkildə yanğınsöndürmə və xilasetmə briqadaları cəlb olunub.

Hazırda yanğının söndürülməsi və ərazidə təhlükəsizlik tədbirlərinin görülməsi istiqamətində işlər davam etdirilir. Xəsarət alanlar barədə məlumat yoxdur.

Mağaza sahiblərinin sözlərinə görə, yanğın qızıl mağazasında başlayıb və sonra digər mağazalara keçib.

***

Ticarət mərkəzində yanğın tam söndürülüb.

Bu barədə Gürcüstanın Fövqəladə Halların İdarə olunması Xidmətinin rəhbəri Teymuraz Mqebrişvili məlumat verib.

Qeyd olunub ki, yanğın nəticəsində restoran sahəsinə aid 300 kvadrat metrlik sahə yanıb.