ABŞ-nin bir hissəsi olmaqdansa, Danimarkaya qoşulmaq daha yaxşıdır.

Axar.az xəbər verir ki, bu barədə Qrenlandiyanın Baş naziri Yens-Fridrix Nilsen deyib.

"Hazırda geosiyasi böhranla üzləşirik və əgər indi ABŞ ilə Danimarka arasında seçim etməli olsaq, Danimarkanı seçəcəyik", - Qrenlandiyanın baş naziri bildirib.

Nilsen vurğulayıb ki, Qrenlandiya ABŞ-a məxsus olmaq istəmir:

"Danimarkanın Baş naziri Mette Frederiksen ilə danışdım. O, ən yaxın müttəfiqinin tamamilə qəbuledilməz təzyiqinə müqavimət göstərməyin çətin olduğunu bildirdi. Frederiksen dedi ki, ən çətin məsələ hələ qarşıdadır".

Qeyd edək ki, ABŞ lideri Tramp Qrenlandiyaya iddiasını açıq elan edib.