Stiven Uitkoff Kirill Dmitriyevlə apardığı son telefon danışığı zamanı ABŞ Prezidenti Donald Trampın sərt tələblərini çatdırıb.

Axar.az xəbər verir ki, bu barədə Rusiya Teleqram kanalları məlumat yayıb.

“Rusiya Ukraynanın enerji obyektlərinin kütləvi atəşə tutulmasını dərhal dayandırmalıdır. Putin atəşə tutmağa davam edərsə və danışıqları təxirə salarsa, ABŞ prezidenti avropalı müttəfiqləri ilə birgə Rusiyaya və onun ticarət tərəfdaşlarına qarşı ən sərt sanksiyalar tətbiq edəcək.

Dmitriyev də amerikalı həmkarına çatdırıb ki, Putin Kiyev rejiminin süqutun astanasında olduğuna əmindir və enerji infrastrukturlarına effektiv zərbələr hakimiyyət dəyişikliyinə gətirib çıxaracaq və Ukraynanı Rusiyanın bütün tələblərini yerinə yetirməyə məcbur edəcək”, - məlumatda bildirilib.