Bu gün eşitdiklərim və oxuduqlarım, xüsusən də Birləşmiş Ərəb Əmirliklərində aparılan danışıqlardan gələn məlumatlar göstərir ki, Rusiya hələ də həlledici ərazi məsələsində israrla öz mövqeyində qalır. Əgər burada çeviklik olmazsa, qorxuram ki, danışıqlar hələ uzun müddət davam edə və ya bu mərhələdə ümumiyyətlə nəticə verməyə bilər.

Axar.az xəbər verir ki, bunu Almaniya xarici işlər naziri Yohann Vadeful bildirib.

“Avropanın təhlükəsizliyi ilə bağlı qərarlar qəbul edilərkən Avropa danışıqlar masasında olmalıdır və Rusiya bilməlidir ki, bizim diplomatiyaya sadiqliyimiz Ukraynaya dəstəyi davam etdirmək əzmimizin zəifləməsi demək deyil”, - nazir vurğulayıb.

Nazir həmçinin bunun “Avropa qitəsinin gələcəyi üçün həlledici bir məqam” olduğunu qeyd edib:

“Həqiqi sülh danışıqları yalnız o zaman mümkün olacaq ki, Rusiya Avropanın Ukrayna ilə birlikdə vahid olduğunu dərk etsin”.