ABŞ iranyönlü hesab edilən Nuri əl-Malikinin baş nazir təyin olunacağı təqdirdə İraqın neft ixracından əldə etdiyi gəlirləri məhdudlaşdırmağı düşünür.

Axar.az xəbər verir ki, bu barədə “Blumberq” mənbələrə istinadla yazıb.

Məlumata görə, bu xəbərdarlıq İraq Mərkəzi Bankının rəhbəri Əli əl-Ələqlə ABŞ administrasiyasının yüksək vəzifəli nümayəndələri arasında ötən həftə Türkiyədə keçirilən görüşdə səsləndirilib.

Ağ Ev sözçüsü danışıqların keçirildiyini təsdiqləsə də, bunun Maliki ilə əlaqəsi olmadığını bildirib.

Qeyd edək ki, ABŞ Prezidenti Donald Tramp Nuri əl-Malikinin yenidən baş nazir olacağı təqdirdə İraqa yardım etməyəcəyi ilə bağlı xəbərdarlıq etmişdi.