Rusiya şirkətləri Venesuelanın keçmiş lideri Nikolas Maduronun devrilməsindən sonra bu ölkədən çıxmağa məcbur edilir.

Axar.az xəbər verir ki, bunu Rusiya xarici işlər naziri Sergey Lavrov deyib.

“İndi isə Venesuelanı və orada baş verənləri izləyərək, bizi, şirkətlərimizi açıq şəkildə Venesueladan çıxarmağa çalışırlar. ABŞ Moskvaya qarşı məhdudiyyətlər tətbiq etməyə davam edir. Xüsusilə, Ankoricdəki danışıqlardan bir neçə ay sonra “Lukoyl” və “Rosneft” sanksiyalara məruz qalıb. Bundan əlavə, tariflər Rusiya enerji resurslarını alan ölkələri təhdid edir. Hər kəsə deyilir ki, Rusiya nefti və Rusiya qazı Amerika nefti və Amerika mayeləşdirilmiş təbii qazı ilə əvəz olunacaq”, - o bildirib.