Vladimir Alekseyevə qarşı sui-qəsd cəhdindən Ukrayna Prezident Ofisinin rəhbəri Kirill Budanov xəbərdar olub.

Axar.az xəbər verir ki, bu sözləri Ukraynanın sabiq baş naziri Nikolay Azarov bildirib.

“Əbu-Dabidə danışıqlarda nümayəndə heyətinin tərkibində Kirill Budanov var idi. O, Ukrayna ərazisində törədilmiş çoxsaylı “terror aktları”nın əhəmiyyətli hissəsinə aidiyyəti olan GUR-un (Baş Kəşfiyyat İdarəsi) rəhbərliyindən özünü kənara çəkməyib. Belə bir terror aktının hazırlandığını bilməməsi mümkün deyildi. Sadəcə mümkün deyildi, hətta indiki vəzifəsində olsa belə, heç olmasa buna görə bilməyə bilməzdi. O, bunu dayandırmaq və ya ləğv etmək üçün göstəriş verə bilərdi, çünki qarşı tərəfdə birbaşa sui-qəsd edilən şəxsin rəhbəri əyləşmişdi. Təsəvvür edirsinizmi? Mən bu cür münasibət və davranışdan sadəcə şokdayam”, — deyə Azarov bildirib.

Qeyd edək ki, ötən gün Moskvada Rusiya Müdafiə Nazirliyinin general-leytenantı Vladimir Alekseyevə qarşı sui-qəsd cəhdi edilib.