Çin 2020-ci ildə beynəlxalq ictimaiyyətdən gizlin şəkildə nüvə sınağı keçirib.

Axar.az “Röyters”ə istinadən xəbər verir ki, bu barədə ABŞ dövlət katibinin silahlara nəzarət üzrə müavini Tomas Dinanno Cenevrədə keçirilən konfransda deyib.

O bildirib ki, Çin ordusu yüzlərlə ton gücündə nüvə partlayışı hazırlayıb, həyata keçirib və seysmik monitorinqin effektivliyini azaltmaq üçün xüsusi texnikalardan istifadə edib.

ABŞ iddia edir ki, gizli sınaq 22 iyun 2020-ci ildə baş tutub və bu, nüvə sınaqlarının qadağan edilməsi üzrə Çinin öhdəliklərini pozur.

Qarşı tərəf ittihamları rədd edib və söyləyib ki, ABŞ Çinin nüvə təhdidi mifini şişirdir və silahlanma yarışına görə məsuliyyəti başqasına ötürür.