Ukrayna Prezidenti Vladimir Zelenski 24 fevralda prezident seçkiləri və referendum planını elan edəcəyi ilə bağlı yayılan məlumatları təkzib edib.

Axar.az xəbər verir ki, bu barədə dövlət başçısı onlayn brifinqdə deyib.

“Seçkilərə gəldikdə, 24 fevralda elan etmək niyyəti ilə bağlı ilk dəfə eşidirəm. İlk dəfə yəqin ki, “Faynənşl Tayms”dan eşitdim, ikinci dəfə isə sizdən...”, - deyə o bildirib.

Eyni zamanda, prezident vurğulayıb ki, seçkilərə keçid bütün müvafiq təhlükəsizlik təminatları mövcud olduqda baş verə bilər.

Qeyd edək ki, FT Ukrayna Prezidenti Vladimir Zelenskinin 24 fevralda – müharibənin 4-cü ildönümündə prezident seçkiləri və referendum planını elan etmək niyyətində olduğunu iddia etmişdi.