09:22

Qırğız Respublikasının Joqorku Keneşinin (parlament) sədri Nurlanbek Şakiyev istefa verib.

Axar.az xəbər verir ki, bu barədə Qırğız mətbuatı yazıb.

"Ölkədə baş verən siyasi hadisələri nəzərə alaraq, bir və ya iki şəxsə xidmət etmədiyimi deməyi zəruri hesab edirəm; mən xalqa, dövlətə və parlamentə xidmət edirəm. Könüllü olaraq istefa vermək qərarına gəldim. Bu, mənim xarici təzyiq olmadan verilən şəxsi qərarımdır", - Nurlanbek Şakiyev vəzifəsindən ayrılarkən bildirib.

***

Marlen Mamataliyev Qırğızıstan parlamentinin yeni spikeri seçilib.

Gizli səsvermədə 83 deputat iştirak edib.

Onun namizədliyinin lehinə 77 deputat, əleyhinə isə 5 deputat səs verib, bir səs etibarsız sayılıb.