Kuba bəlkə də bütün tarixinin ən dərin iqtisadi qeyri-müəyyənlik dövrünü yaşayır.

Axar.az xəbər verir ki, bu barədə CNN telekanalının hazırladığı materialda bildirilib.

“Yemək yox, yanacaq yox, turist yox. ABŞ-ın təzyiqi altında Kubada həyat dayanır. ABŞ-ın təzyiqi altında Venesuela və Meksika Kubaya neft tədarükünü dayandırıb və onun başqa müttəfiqləri yoxdur.

Böhran artdıqca, təxminən 10 milyon əhalisi olan adada həyat tədricən dayanır. Bir çox məktəbdə dərslər ləğv edilib və işçilər ödənişsiz məzuniyyətə göndərilib. Turistlərin sayı kəskin şəkildə azalıb, çünki aviaşirkətlər yanacaq çatışmazlığı səbəbindən uçuşları ləğv etmək məcburiyyətində qalıblar. Adada elektrik kəsintiləri geniş yayılıb. Kuba hakimiyyəti isə əhalini müqavimət göstərməyə və müharibə dövrü düşüncə tərzini mənimsəməyə çağırıb”, - kanal bildirib.