ABŞ İsrail və Ukraynaya dəstəyindən dolayı silah ehtiyatlarının tükənməsi səbəbindən İrana qarşı hərbi güc tətbiq etməkdə çətinlik çəkəcək.

Axar.az “Vaşinqton Post” qəzetinə istinadən xəbər verir ki, Birləşmiş Qərargah Rəisləri Komitəsinin sədri general Den Keyn bu mövqe ilə çıxış edib.

Nəşrin məlumatına görə, ötən həftə Prezident Donald Tramp və administrasiyanın yüksək vəzifəli rəsmiləri ilə qapalı görüşdə o, ABŞ ordusunun İrana qarşı hər hansı böyük əməliyyat keçirməkdə çətinlik çəkəcəyini, çünki silah ehtiyatlarının İsraili müdafiə etməsi və Ukraynanı dəstəkləməsi səbəbindən əhəmiyyətli dərəcədə tükəndiyini bildirib.

Bundan əlavə, Keyn hesab edir ki, ABŞ müttəfiqlərin dəstəyinin olmaması səbəbindən İslam Respublikasına qarşı hər hansı bir əməliyyat keçirməkdə problemlə üzləşə bilər.