Ötən gecə Moskvanın Savelovski stansiyasının yaxınlığındakı meydanda yol polisi maşınının yaxınlığında partlayış baş verib.

Axar.az xəbər verir ki, bu barədə Rusiya Daxili İşlər Nazirliyi məlumat yayıb.

Məlumata görə, bir yol polisi əməkdaşı həlak olub, iki nəfər yaralanaraq xəstəxanaya yerləşdirilib:

“Naməlum şəxs hüquq-mühafizə orqanlarının əməkdaşlarını daşıyan patrul avtomobilinə girərək partlayıcı qurğunu işə salıb. Cinayətkar yerindəcə ölüb”.

Qeyd edək ki, hadisə ilə bağlı hüquq-mühafizə orqanı əməkdaşına qarşı sui-qəsd və partlayıcı maddələrin qanunsuz istifadəsi maddələri ilə cinayət işi açılıb.