Amerikanın daha bir təyyarədaşıyan gəmisi "USS Gerald R. Ford" Yunanıstanın Krit adasındakı Souda bazasını tərk edərək Yaxın Şərqə doğru yola düşüb.

Axar.az xəbər verir ki, hərbi gəmi yanacaq doldurmaq və əməliyyat dəstəyi üçün bazaya gəlib.

Qeyd edək ki, daha əvvəl "Vol Strit Jurnal" qəzeti ABŞ Hərbi Dəniz Qüvvələrinin flaqman təyyarədaşıyan gəmisi olan "USS Gerald R. Ford"un kanalizasiya sistemində ciddi problemlər yaşadığını və bu üzdən Kritə yan aldığı bildirmişdi.

Sosial mediada yayılan xəbərlərdə sahilə çıxmaq üçün icazələri olmayan hərbçilərin yaranmış duruma etiraz olaraq gəmidə təxribat törətdiyi iddia edilirdi.