Tramp administrasiyası İran hökumətini zəiflətmək cəhdləri çərçivəsində dəstək istəmək üçün İran və İraqdakı kürd liderlərlə əlaqə saxlayıb.

Axar.az xəbər verir ki, bu barədə “Vaşinqton Post” məlumat yayıb.

“Əgər İran kürd qrupları İranın qərb bölgələrinin bir hissəsinə nəzarəti ələ keçirməyə cəhd etsələr, Tramp onlara ABŞ-ın hava dəstəyi və digər yardımlarını təklif edib. Məlumata görə, Tramp kürd liderlərə “ya ABŞ və İsrail, ya da İran”ı seçməli olduqlarını deyib.

Vaşinqton Tehranla qarşıdurma dərinləşdiyi və ABŞ-ın daha geniş hərbi müdaxiləni nəzərdən keçirdiyi bir vaxtda, İran daxilindəki müxalif qüvvələrlə ittifaq qurmaq imkanlarını araşdırır”, - məlumatda bildirilib.

Qeyd edək ki, bundan əvvəl İranın PJAK-a qabaqlayıcı zərbə endirdiyi haqda məlumat yayılıb.