İsrail ordusu Livan ərazisində Hizbullahın infrastrukturuna qarşı genişmiqyaslı zərbələr endirdiyini açıqlayıb.

Axar.az xəbər verir ki bu barədə ÇAXAL məlumat yayıb.

Məlumata görə, 30 dəqiqə ərzində Beyrutun Dahiya bölgəsində terror qərargahı kimi istifadə edilən 10 bina vurulub.

Bildirilib ki, hücumlar zamanı İsrailə raket atmağa hazırlaşan onlarla buraxılış qurğusu və silahlı şəxs də məhv edilib.

Hərbi Hava Qüvvələri paralel olaraq 20-dən çox hədəfə zərbə endirib.

İsrail ordusu Hizbullaha qarşı əməliyyatların davam edəcəyini bildirib.

Qeyd edək ki, ötən gün axşam Hizbullahın İsrailə hücumuna cavab olaraq ÇAXAL Livana zərbələr endirməyə başlamışdı.