Amerikalı media maqnatı və "Nyus Corp" şirkətinin qurucusu Rupert Murdok ABŞ Prezidenti Donald Trampı qapalı şəkildə İrana qarşı hərbi kampaniyaya başlamağa çağırıb.

Axar.az Oxu.az-a istinadən xəbər verir ki, Murdok Trampla bir neçə dəfə əlaqə saxlayaraq onu Tehrana qarşı tədbir görməyə təşviq edib.

Bildirilib ki, Trampı İrana hücuma çağıranlar arasında İsrailin Baş naziri Benyamin Netanyahu və bəzi mühafizəkar şərhçilər də olub.

Bununla yanaşı, Trampın yaxın çevrəsində yer alan bəzi şəxslər, o cümlədən vitse-prezident Ceyms Di Vens, dövlət katibi Marko Rubio və Ağ Evin aparat rəhbəri Syuzi Uayls silahlı qarşıdurma ehtimalına daha ehtiyatla yanaşıblar.