ABŞ Prezidenti Donald Tramp İranda vurulan F-15 qırıcısının zabiti, amerikalı pilotun xilas edilməsi əməliyyatı ilə bağlı yeni təfərrüatı açıqlayıb.

Axar.az xəbər verir ki, o, bu barədə "Truth Social" hesabında yazıb.

Tramp pilotun ağır yaralandığını və İran dağlarının dərinliklərində xilas edildiyini bildirib:

"İran hərbçiləri hərtərəfli axtarış aparırdılar, onların sayı çox idi və getdikcə ona yaxınlaşırdılar. O, çox hörmətli polkovnikdir.

Yalnız insanlar və texnika üçün təhlükə olduğunda belə reydlər keçirilir. İkinci reyd birincidən sonra baş verdi, biz pilotu İran üzərində yeddi saat keçirdikdən sonra gündüz vaxtı xilas etdik".