ABŞ Prezidenti Donald Tramp Roma Papası XIV Leonun siyasətini tənqid edib.

Axar.az xəbər verir ki, bu barədə o, jurnalistlərə açıqlamasında deyib.

“Məncə, o, işini çox yaxşı görmür. Deyəsən, o, cinayəti sevir. Biz nüvə silahına sahib olmağın normal olduğunu deyən bir Papa istəmirik. Cinayətin normal olduğunu deyən bir Papanı istəmirik. Mən Papa Leonun böyük tərəfdarı deyiləm”, - deyə Tramp bildirib.

Ağ Ev rəhbəri xüsusilə Papanın ABŞ-ın bəzi addımlarını dəstəkləməməsindən narazı olduğunu vurğulayıb.

Qeyd edək ki, Roma Papası XIV Leo ABŞ-ın İrana qarşı siyasətini tənqid etmiş, Donald Trampın İran sivilizasiyasını məhv etməklə bağlı səsləndirdiyi təhdidləri qəbuledilməz adlandırmışdı.