2022-ci ilin yazında Ukrayna qüvvələri rusları paytaxtın kənarına sıxışdırdıqda Avropa Rusiya ilə sülh danışıqlarına başlamaq imkanı qazandı, lakin bu fürsəti əldən verdi.

Axar.az xəbər verir ki, bunu Estoniya Prezidenti Alar Karis deyib.

“Rus qoşunları Kiyevin kənarından Rusiya ərazisinə kifayət qədər yaxın məsafəyə geri çəkildikdə Avropanın təcavüzkarı danışıqlar masasına gətirmək imkanı var idi. Hazırda danışıqlar masasına heç kim oturmur. Avropa həm sülh danışıqları, həm də müharibədən sonrakı dövr üçün bir plan hazırlamalıdır. AB həqiqətən də Ukraynaya böyük sərmayə qoyub. Ola bilməz ki, vaxtı gələndə danışıqlar masasında ABŞ, Rusiya və bəlkə də hansısa üçüncü dövlət olsun, Avropa isə ümumiyyətlə orada olmasın”, - o bildirib.