Ermənistan Avropa Birliyinin Rusiyaya qarşı sanksiyalarına qoşulmayacaq.

Axar.az xəbər verir ki, bu sözləri Ermənistanın Baş naziri Nikol Paşinyan jurnalistlərə açıqlamasında deyib.

“Biz bəyan etmişik ki, sanksiya rejiminə qoşulmayacağıq. Bu mövqe həm Rusiya, həm də Avropa Birliyi tərəfinə açıq şəkildə bildirilib. Ermənistanın öz siyasi xətti var. Avropa Birliyində Ermənistanın Rusiyaya sanksiyalardan yayınmaqda kömək etməsi ilə bağlı şübhələr olub. Lakin bu iddiaları aradan qaldırmaq üçün Avropa ekspertləri ölkəyə dəvət edilib və onların rəyinə əsasən belə halların olmadığı təsdiqlənib”, - o qeyd edib.