Amerikalı sahibkar İlon Mask Pekində ABŞ və Çin liderləri Donald Tramp və Si Szinpinin iştirakı ilə keçirilən dövlət ziyafətində rəsmi fotosessiya zamanı müxtəlif mimikalar göstərib.

Axar.az Publika.az-a istinadən xəbər verir ki, bu barədə "Deyli Meyl" nəşri məlumat yayıb.

Ağ Ev rəhbəri ilə birlikdə Çin paytaxtına onlarla amerikalı top-menecerdən ibarət nümayəndə heyəti səfər edib. İştirakçılar ziyafətin bir hissəsi olan rəsmi nahara dəvət ediliblər.

Ziyafətdən yayılan görüntülərdə “Tesla” və “SpeysX” rəhbərinin qəribə üz hərəkətləri etdiyi və baş barmağı ilə müsbət işarəsi göstərdiyi müşahidə olunur.

Bundan əvvəl ABŞ-ın Dövlət katibi Marko Rubio amerikalı milyarder İlon Maskı jurnalistlərin yanından uzaqlaşdırıb. Həmin vaxt sahibkar mətbuat nümayəndələrinə ABŞ prezidenti ilə Çin sədri arasındakı danışıqlar barədə məlumat verməyə başlayıbmış.