İslam İnqilabı Keşikçiləri Korpusu (SEPAH) İran idarəçiliyində mühüm qüvvə olaraq qalır.

Axar.az Teleqraf-a istinadən xəbər verir ki, bunu ABŞ-ın Yaxın Şərqdəki qüvvələrinin komandanı admiral Bred Kuper bildirib.

Onun sözlərinə görə, İranın hərbi potensialı kəskin şəkildə azalsa da, bölgədə gəmiçiliyin hərəkətini nəzarətdə saxlayır:

"SEPAH hələ də sənaye və sığorta sisteminə nəzarət edir. Amma ABŞ ordusu fövqəladə hallar üçün geniş imkanlara malikdir və Hörmüz boğazından gəmiləri müşayiət etmək qabiliyyətini qoruyub saxlayır".

Kuperin sözlərinə görə, danışıqlar dövründə problemlərin həlli siyasətçilərdən asılıdır:

"ABŞ ordusunun İran silahlı qüvvələrinə vurduğu ziyana və dağıntılara baxmayaraq, SEPAH ölkənin idarəçiliyində mühüm qüvvə olaraq qalır".