Çin Ukraynaya sülh gətirmək üçün çox iş görüb.

Axar.az xəbər verir ki, bunu Çinin xarici işlər naziri Van Yi deyib.

ABŞ Prezidenti Donald Trampın Çinə səfərini şərh edən Yi jurnalistlərə bildirib ki, liderlər digər məsələlərlə yanaşı, Ukrayna böhranını da müzakirə ediblər:

“Çin də, ABŞ da hərbi əməliyyatların tezliklə dayandırılmasına ümid edir. Həmçinin hər iki ölkə tərəfləri sülh və danışıqlara təşviq etmək üçün artıq çox iş görüb”.

Çinli nazir vurğulayıb ki, mürəkkəb problemlərin sadə həlli yoxdur və sülh danışıqları birdən-birə başa çatdırıla bilməz.

Nazir Çin və ABŞ-ın müzakirələri davam etdirməyə və böhranın siyasi həllində konstruktiv rol oynamağa hazır olduqlarını diqqətə çatdırıb.