ABŞ Prezidenti Donald Tramp komandasının üzvləri Rusiyanın Ukraynaya qarşı müharibəsinin dayandırılması ilə bağlı danışıqlara yalnız məqsədlərinə nail olacaqlarına inandıqları halda qatılacaqlar.

Axar.az xəbər verir ki, bunu Ukrayna Ali Radasının Milli Təhlükəsizlik, Müdafiə və Kəşfiyyat Komitəsinin sədr müavini Yeqor Çernev deyib.

Onun sözlərinə görə, hazırda Rusiya kompromisə hazır olduğunu nümayiş etdirmir və bu da danışıqlar prosesində hər hansı irəliləyişi çətinləşdirir:

“Rusiya Federasiyası ciddi iqtisadi problemlərlə üzləşməyənə qədər sülh danışıqlarında heç bir irəliləyiş olmayacaq”.

Çernev vurğulayıb ki, Ukrayna müəyyən kompromis variantlarını müzakirə etməyə hazırdır, lakin suverenlik və ərazi bütövlüyü məsələsi güzəşt mövzusu deyil:

“Biz Donbasın təslim edilməsinə qətiyyən getməyəcəyik”.